ملخص حديث البروف مالك حسين Malik Hussen Hussen في إفطار منبر السلام العادل..

* النظام فاشل فاسد غير مؤهل لمدة ثلاثين سنة.
* أنا إقتصادي زراعي قانوني ما وجدت نسبة نجاح ٥٪؜ ونسبة التضخم وصلت ١٣٧٪؜ .
* كل الناس الاتكلموا قدامي ديل مشاركين في النظام ده..ونصيبهم جزء كبير من الجريمة التي ارتكبت في هذا البلد.. الطيب مصطفي وأخونا في المؤتمر الشعبي يتحمل الجزء الأكبر.
* كلكم شاركتوا في النظام وفِي الكريمة وفِي الفساد والفشل.
* هذا النظام لا يقبل الإصلاح..
* أكل أموال الناس بالباطل بدأ من ٨٩ ومستمر الي اليوم.
* أنا كمعارض لم أخرج من السردان أبداً.
* النظام فاشل وفاسد يجب أن يتنحي والسودان مليء بالعلماء والنجباء والأمناء .
* والله يا الطيب مصطفي أنا مشفق عليك وأنت عارف أنا قعدت في مكتبك ده اكتر من ٥٠ او ٦٠ جلسة ودائماً كنت بناصح فيك بقول ليك كلم الرئيس.
* الرئيس بحكموا ليهو ناس فاشلين وفاسدين.
* أكتر مال إتبدد بدده المؤتمر الوطني.
* أنا عمري ٧٣ سنة بقيف في الصف أكب بنزين وبايت ستة مرات بنفسي والله ما لاقاني واحد من المسئولين ديل بقيف في الصف.
* الناس السرقوا البلد وبدمروا في الاقتصاد ما فيهم زول بقيف في الصف.
* في ناس ضربوا لي قالوا لي جيب عربيتك عشان نديك بنزين رفضت.
* السياسة المالية الاتعملت دي ضد الانتاج تماماً.
* إذا كان الرئيس ده بحكم وإذا كان هو مسئول وزير خارجيتك ووزير ماليتك بشتكوا وهم في وزارات سيادية معناها انت فاشل انت ما بتعرف تختار معناها عند اعتبارات معينة في الاختيار .
* هذا الرئيس يجب أن يتنحي والنظام يذهب والكلام ده سمعو مني عدة مرات وانا بقولو ليك تاني وتالت..

وجزاكم الله خير